အမွေအနှစ်ထိခိုက်နိုင်မှုဆန်းစစ်ချက်(Heritage Impact Assessment – HIA) ဆောင်ရွက်၍ အမွေအနှစ်များ ရေရှည်တည်တံ့အောင် ကာကွယ်ထိန်းသိမ်းကြပါစို့
ဒေါက်တာအိရွှေစင်မြင့်(ပုဂံ) အမွေအနှစ်ထိခိုက်နိုင်မှုဆန်းစစ်ချက် (Heritage Impact Assessment – HIA) ဆိုသည်မှာ ယဉ်ကျေးမှု အမွေအနှစ်အပေါ် လူသားတို့၏ ပြုမူလုပ်ဆောင်မှုများကြောင့် ဖြစ်ပေါ်လာသော ခြိမ်းခြောက်မှုများ (Threats)၊ ဖွံ့ဖြိုးတိုးတက်မှုများ (Development Issues)၊ ဆောက်လုပ်ရေးလုပ်ငန်းများ (Construction work)၊ မြေယာအခင်းအကျင်း ပြောင်းလဲမှုများ (Landscape changes) ၏ သက်ရောက်မှုများ (Impacts)ကို ဖော်ထုတ်ရန်၊ အကဲဖြတ် ခွဲခြမ်းစိတ်ဖြာရန် ဆောင်ရွက်ရသော လုပ်ငန်းဖြစ်ပြီး အမွေအနှစ်များကို ပိုမို ကာကွယ်ရန်၊ သက်ရောက်မှုများကို လျှော့ချရန် အစရှိသော အပြုသဘော ဆောင်သည့် အကြံပြုချက်တို့ဖြင့် စီမံခန့်ခွဲရေးကို ပံ့ပိုးပေးရသောလုပ်ငန်း ဖြစ်ပါသည်။ ကမ္ဘာ့အမွေအနှစ်ဒေသများအတွက် အမွေအနှစ်ထိခိုက်နိုင်မှုဆန်းစစ်ချက် (HIA) လုပ်ငန်းစဉ်မှာ ယဉ်ကျေးမှုအမွေအနှစ်အပေါ် သက်ရောက်မှု အကဲဖြတ်ချက်ဆိုင်ရာ ICOMOS လမ်းညွှန်ချက် (Guidance
